Receta Për Nxitje Të Terrorizmit

Më 11 shtator të vitit 2001 bota u trondit nga sulmet makabre kundër institucioneve shtetërore e komerciale të ShBA-së. Filloi një epokë e re përsigurinë ndërkombëtare. Që nga viti...
A Kosovo court has ordered 30 days' detention for three ethnic Albanians suspected of forming a terrorist group and recruiting volunteers to fight in Syria alongside extremist Sunni rebels. A fourth suspect is at large. The prosecution alleges three suspects, identified as Ilir Berisha, Sedat Topojani (in picture) and fugitive Burim Ballazhi, fought in Syria on the side of extremist elements that include the al-Qaida-inspired Islamic State of Iraq and the Levant and its affiliate Nusra Front. (AP Photo)

Më 11 shtator të vitit 2001 bota u trondit nga sulmet makabre kundër institucioneve shtetërore e komerciale të ShBA-së. Filloi një epokë e re përsigurinë ndërkombëtare. Që nga viti 2001, ShBA-ja me teknologjinë më të sofistikuar në botë, me ushtrinë më të fortë në botë, me metodat më të avancuara në botë, duke u përmbledhur kështu me grushtin më të fortë në botë filloi luftën kundër terrorizmit.

Nuk do ta zgjas shumë për epilogun e këtyre përpjekjeve. Çka filloi si përpjekje më e avancuar dhe me grushtin më të fortë kundër terrorizmit global në vitin 2001 përfundoi me themelimin e të ashtuquajturit Shteti Islamik i Irakut dhe Sirisë (ISIS) në vitin 2014. Së fundi, ISIS-i është duke u vlerësuar si shumë më i dhunshëm se sa “Al-Qaeda”, vlerësim ky i dhënë edhe nga vetë “Al-Qaeda”. ISIS-i tashmë po absorbon e gllabëron të rinj nga Evropa, Ballkani, e Kosova.

Në mëngjesin e së hënës dukej se institucionet e ndryshme shtetërore të Kosovës përdorën po të njëjtën metodë për çka ata thonë luftimin e terrorizmit. Aq sa kishin kapacitet, përdorën grushtin më të fortë që kishin për ta goditur një grup të dyshuar për planifikim të një veprimi terrorist në Kosovë. Ky veprim nga ana e institucioneve qeveritare e shtetërore ishte përmbyllja e rreshtave të fundit të recetës për kërcënimin e sigurisë së vendit dhe të ardhmen e rendit shoqërorë në Kosovë. Të kalojmë tek secili rresht i kësaj recete.


Shpend_KursaniRreshti i parë: Dobësimi Institucional dhe Cungimi Mendor

Për 14 vitet e fundit është investuar shumë për shkatërrimin e sistemit arsimor në Kosovë. Sa më shumë ndërtoheshin shkolla nga betoni, aq më shumë betonohej truri dhe mendja kritike e të riut kosovar. Kjo e prodhoi të riun kosovar që asnjëherë nuk mendon vetë, por mendon me mendjen e autoritetit suprem. Për disa të rinj ky autoritet suprem është pushteti i cili edhe e ka qëndis këtë sistem arsimor e të cilin duhet dashur e nënshtruar. Ky është i riu Kosovar i prodhuar pas luftës, e i cili i konvenon secilit pushtet, sepse vetëm nënshtrimi ndaj tij e legjitimon atë.

Qasja e lirë dhe e lehtë në teknologjinë informative po i bënë ngjarjet e ndryshme botërore më të qasshme për mendjen e betonuar të të riut kosovar. Kjo papritmas po e tronditë edhe monopolin e pushtetit në Kosovë të cilin duhet dashur dhe nënshtruar ky i ri kosovar. Kur i riu kosovar thërritet t’i nënshtrohet një autoriteti tjetër jashtë vendit, ai tashmë është gjithmonë i gatshëm dhe i qasshëm. Sistemi arsimor në Kosovë ka punuar shumë në këtë drejtim. Ajo çka i konvenonte pushtetit deri më tani në Kosovë, tashmë po i konvenon një pushteti tjetër jashtë Kosovës. Kur i riu kosovar nga Hani i Elezit apo Kaçaniku është i izoluar edhe nga Prishtina, e lere më nga Brukseli, kur ky i ri kosovar është nën mjerim shoqëror, kur ky i ri kosovar më nuk di se cili është shteti i tij, e cili është flamuri e himni i tij, e kush është President a Kryeministri i vërtetë, ky i ri kosovar i përmbushë të gjitha kushtet për t’iu nënshtruar një autoriteti tjetër me një emërues të përbashkët moraliteti për çlirim nga izolimi dhe vetmia.

Rreshti i dytë: Drejtësia e Padrejtë

I riu kosovar po e sheh se si djemtë e Adem Grabovcit rrahin policin e shtetit. Pra i riu Kosovar e sheh se si shteti tek i cili tashmë është duke e humbur besimin i nënshtrohet dy të rinjve me kallashinkovë në bagazhin e veturës së tyre. I riu Kosovar po e sheh se si djali i Sami Lushtakut ballafaqohet me gjoksin e tij me autoritetin e shtetit duke e negociuar drejtësinë për babanë e tij. I riu Kosovar po e sheh se si Gani Geci e Xhabir Zharku të arratisur i dërgojnë SMS Ministrit të Brendshëm duke u tallur me të. I riu kosovar e sheh se si Milazim Krasniqi i cili fyen, diskriminon, dhe publikisht nxitë urrejtje etnike e racore ndaj të gjallëve nuk gjykohet apo dënohet, por e shohin se si dy të rinj kaçanikas që bëjnë shaka me bustin e hekurt të Skënderbeut të vdekur para qindra vitesh gjykohen e ndoshta edhe dënohen. Drejtësia në Kosovë që nga paslufta ishte e padrejtë në baza të prejardhjes apo përkatësisë familjare, siç ishte edhe në kohën e ish-Jugosllavisë, por tashmë ka filluar të jetë e padrejtë edhe në baza të përkatësisë fetare. Pra shteti tashmë po e gërvisht varën që e ka hapur vetë.

Policia e Kosovës shoqërojnë shqiptarin etnikë të dyshuar për terrorizëm Ilir Berisha në kryeqytetin e Kosovës në Prishtinë të premten, 27 qershor 2014. Një gjykatë në Kosovë ka urdhëruar 30 ditë paraburgim për tre shqiptarë etnikë të dyshuar për formimin e një grupi terrorist dhe rekrutimin e vullnetarëve për të luftuar në Siri përkrah rebelëve ekstremist sunit. Një i dyshuar i katërt është në arrati. (AP Photo / Visar Kryeziu)

Policia e Kosovës shoqërojnë shqiptarin e dyshuar për terrorizëm Ilir Berisha në kryeqytetin e Kosovës në Prishtinë të premten, 27 qershor 2014. Një gjykatë në Kosovë ka urdhëruar 30 ditë paraburgim për tre shqiptarë etnikë të dyshuar për formimin e një grupi terrorist dhe rekrutimin e vullnetarëve për të luftuar në Siri përkrah rebelëve ekstremist sunit. Një i dyshuar i katërt është në arrati. (AP Photo / Visar Kryeziu)

Rreshti i tretë: Etiketimi

I riu kosovar si dhe ata të cilët e kanë zgjedhur prej kohësh rrugën e islamit si shpëtim moral por të cilët nuk e përdorin atë për shprehje dhune (që në Kosovën janë quajtur të moderuar), po e shohin se si po ndërtohet diskursi publik i etiketimit. Etiketimet e padrejta u vunë në funksion të diskursit publik edhe me arrestimin e 40 personave të dyshuar për veprime kriminale, apo që po quhen terroriste. Edhe pse institucionet e përfshira në ekzekutimin e operacionit ishin pak më të kujdesshëm në etiketimin e grupit të të arrestuarve, prapëseprapë diskursi po ndërtohet (gabimisht) mbi baza fetare të tipit “këta islamistat radikal” apo”këta terroristat islamik” e kështu me radhë. Po, është e vërtetë që ky grupacion i të arrestuarve, por edhe kasapi nga Kosova Lavdrim Muhaxheri, veprimet e tyre po i arsyetojnë në baza fetare.

Por institucionet shtetërore si dhe publiku po duket se po bien në kurth të po këtyre grupeve që veprimet e tyre i arsyetojnë nga predikimet e islamit dhe rrjedhimisht duhet goditur “terrorizmi islamik”. Ky është argumenti më i dobët që dikush mund ta dëgjojë. P.sh. ShIK-u vriste njerëz në emër të “shqiptarizmit”, siç po tregojnë seancat e ndryshme gjyqësore kundër disa pjesëtarëve të kësaj organizate. Apo një shqiptar, i cili ishte i bindur se po i shërbente kauzës së “shqiptarizmit” çoi në hava autobusin e”Nis Express”-it me plot qytetar serb duke vrarë përmbi 10 persona. Apo në mars të vitit 2004 u dogjën e u shkatërruan përmbi 900 shtëpi të serbëve, 30 kisha ortodokse, rreth 10 ndërtesa të institucioneve publike, e u dëbuan me mijëra njerëz. A duhet quajtur këto veprime si “terrorizëm shqiptar” vetëm se grupe të caktuara vrasës e kriminelësh veprimet e tyre i arsyetonin me kauzën e “shqiptarizmit”?

T’i etiketosh tentativat e një grupi të dyshuar për veprimet e tyre kriminale në baza fetare, vetëm pse ata thirren mbi ato baza, është ajo çka më së shumti do ta kërcënojë sigurinë e Kosovës dhe të qytetarëve të saj në të ardhmen. Po, disa prej tyre kishin mjekra apo ndonjë Kuran në shtëpitë e tyre që policia do të ketë mundur t’ua gjente pas bastisjes. Por ndoshta edhe djaloshi që çoi në hava autobusin e “Nis Express”-it e kishte ndonjë tatuazh në dorë me flamur shqiptar, apo ndonjë libër të Fan Nolit në shtëpinë e tij që policia do të ketë mundur t’ia gjente. Por tash a duhet t’i etiketojmë këta kriminel potencial në baza të asaj se si ata duken, se çka mbajnë në shtëpi, apo në çka i bazojnë krimet e tyre? Këto etiketime apo kallëpizime dal ngadalë vetëm se do ta tjetërsojnë shtetin dhe pjesën tjetër të shoqërisë kundrejt edhe atyre prijësve e përcjellësve fetarë që nuk kanë të bëjnë asgjë me veprimet kriminale të grupacioneve të ndryshme, e që janë shumicë. Pra shteti po vazhdon ta gërvish tedhe më thellë varën që e ka hapur vetë.

Rreshti i katërt: Prijësit dhe Krijimi i Armikut

Interesante gjatë seancës gjyqësore të 40 të arrestuarve ishte kur ata treguan për prijësin e tyre, Ministrin e Punëve të Jashtme, z. Enver Hoxhaj, i cili kishte thirrur për ta ndihmuar opozitën siriane. Z. Hoxhaj i mbanë dy përgjegjësi në të njëjtën kohë. E para është se z. Hoxhaj ishte Ministër i Arsimit i cili edhe i ka prodhuar këta të rinj kosovar me potencial të hatashëm t’i nënshtrohen çfarëdo autoriteti, e që këta të rinj tashmë po e gjejnë jashtë vendit. Së dyti, z. Hoxhaj si Ministër i Jashtëm ka treguar se din për gjeopolitikën e Lindjes së Mesme po aq sa edhe këta të rinj përgjegjësinë për cungimin e trurit të të cilëve e mbanë vetë z. Hoxhaj si ish-Ministër i Arsimit.

Sido që të jetë, pushteti i tanishëm vendosi që t’i shpërfillë thelbet e këtij problemi. Kjo shpërfillje me shumë gjasë do të prodhoj në Kosovë atë çka shpërfilljet e njëjta në përmasa globale prodhuan sot në botë. E ajo çka u prodhua në botë, arriti ta prekë edhe Kosovën. Kështu në këtë fillim javë përfundon rreshti i fundit i recetës për antagonizmin mes shtetit të kapur nga kriminel të organizuar që legjitimitetin e tyre po e mbajnë padrejtësisht me flamuj të BE-së dhe grupacioneve tjera kriminale që legjitimitetin e tyre po e fitojnë padrejtësisht me flamuj të islamit. Kështu që krijo një armik të vendit, që mos të merrem me ata të vërtetit.


Shpend Kursani, pursued his masters degree at the University of Cambridge (2010-2011) where he earned his M.Phil. degree in International Relations with distinctions on his thesis topic “Using Soft Power: The EU’s Ability to Influence the Domestic and Foreign Policies of the States of the Western Balkans”. He is an External Senior Researcher at the Kosovar Centre for Security Studies - KCSS. He is Founder and Member of the Steering Committee at the Balkan Think Tense - BTT. He is also an adjunct lecturer in the field of International Relations at the University College Universum. Shpend has previously (2011-2013) been a Senior Researcher at the Kosovar Institute for Policy Research and Development - KIPRED, where he published a number of policy analysis that in general cover the functioning and political development of Kosovo and Kosovo's relations with Serbia and other international actors.

Enter your email address to subscribe to THEFrontliner.net and receive notifications of new posts by email.

RELATED BY

  • »In praise of WikiLeaks« Jill Stein

    I’ve gotten a first—hand look at how the establishment attacks people who challenge the status quo. These attacks are intended to brand their targets as pariahs and stigmatize anyone...
  • Berati dhe belaja me Turqinë

    Unë ngritem për të mbrojtur lirinë e shprehjes, por nuk mund të hesht kur një imam apo i ri dënohet për nxitje të dhunës derisa gazetarët duartrokiten. Unë jam...
  • Are Black Lives Terrorist Lives?

    Well, this is what happens when the full force of the domestic state-terrorism apparatus sets itself against the innocent and frequently impoverished citizens of colour that mistakenly chose to...
  • If Other Professions Were Treated Like Photography…

    what if other professions were treated like photography? Here’s what a “part-time professional’s” Facebook posts might look like if other careers experienced the “everyone’s a photographer” phenomenon,...