Kujtimi Që Nuk Vdes për Patriotin Dëshmor, Vdes për 'Patriotin' Haraçxhi

Sot, në përkujtim të 17 vjetorit të daljes së parë publike të UÇK-së, paskan folur dy nga ata të tre që folën atë 28 nëntor të 1997-s në Llaushë...

Sot, në përkujtim të 17 vjetorit të daljes së parë publike të UÇK-së, paskan folur dy nga ata të tre që folën atë 28 nëntor të 1997-s në Llaushë të Drenicës – Rexhep Selimi e Daut Haradinaj. I treti, Mujë Krasniqi, ra dëshmor gjatë luftës.

Autori Fitim Salihu | ©THE Frontliner

“Mujë Krasniqi ka vdekur, por kujtimi për të si patriot s’vdes kurrë. Rexha e Dauti s’kanë vdekur, por ka vdekur kujtimi për ta si patriotë” Fitim Salihu

Mujë Krasniqi ka vdekur, por kujtimi për të si patriot s’vdes kurrë. Rexha e Dauti s’kanë vdekur, por ka vdekur kujtimi për ta si patriotë. Sot, kujtimi për këta dy të gjallët na asocion me haraçin, krimin, kontrabandën dhe bizneset e dyshimta.

Ironi apo jo, që të dy janë sot në opozitë. Që të dy po e akuzojnë pozitën – PDK-në e Thaçit – për krim, korrupsion, hajni, autoritarizëm, për ShIK-un, e për çka jo tjetër. Të drejtë kanë! Siç kemi të drejtë edhe ne sot ta vëmë re se edhe Rexha e Dauti janë “po aq Thaça sa edhe Thaçi”. Qe, popull i dashtun, kush po pretendon që është opozita e krimit dhe kontrabandës!

Shpresë nuk kam dhe nuk duhet të kemi as te Hashim Thaçi, Kadri Veseli e Xhavit Haliti, as te vëllezërit Haradinaj, Rexhë Selimi e Fatmir Limaj. (Te LDK-ja jo se jo). Asnjëri nga këta më për mua s’janë UÇK-ja. As xhipat e tyre të blinduar. As villat e kullat e tyre multimilionëshe.

Sot, UÇK-ja janë ish luftëtarët që vdesin urie a që s’kanë bukë t’iu çojnë fëmijëve në sofër. Sot UÇK-ja janë ish-luftëtarët që po bëjnë vetëvrasje prej gjendjes çnjerëzore sociale ku i kanë sjellur ish-“komandantët” e tyre.

Nuk mund ta kujtosh UÇK-në dhe ushtarët e saj idealistë, nëse nuk i kritikon politikanët që kanë dalur prej saj dhe na kanë mbuluar në varfëri, papunësi, krim, korrupsion, mafia, privatizim dhe haraç. Siç nuk mund t’i akuzosh këta pa i kujtuar ushtarët dhe dëshmorët idealistë të UÇK-së.

Para së gjithash, sot UÇK-ja është Ideja për rezistencë kundër këtij sistemi, kundër kësaj nomenklature të kalbur politike. UÇK janë ushtarët e saj dëshmorë dhe betimi i tyre i papërfunduar, sikur ajo stafeta që s’arrin dot deri tek vrapuesi i fundit maratonik.

Shpresë tek këta më s’ka! Shpresë sot e kemi ose emigracionin ose sheshin. Por jo emigracionin. Veç sheshin! Sheshi është e përbashkëta jonë, publikja, e dukshmja. Sheshi na bashkon! Sheshi na trimëron! Sheshi na çliron!

Fitim Salihu, është përkthyes artikujsh, kapitujsh e librash shqip-anglisht dhe anglisht-shqip. Ai është studiues i spikatur i marrëdhënieve ndërkombëtare, neokolonializmit dhe filozofisë së historisë. Fitimi, shkruan editoriale dhe analiza politike. Ai një kohë të gjatë udhëhoqi organizatën studentore aktiviste "Klubi Politik i Studentëve" dhe vazhdimisht merret me qytetari aktive. Gjatë vitit 2015, ai punoi si redaktor për kulturë në të përditshmen Zëri.info në Prishtinë. Pos gjuhës amtare, flet rrjedhshëm edhe anglishten dhe mjaftueshëm spanjishten e turqishten.

Enter your email address to subscribe to THEFrontliner.net and receive notifications of new posts by email.

RELATED BY

  • »In praise of WikiLeaks« Jill Stein

    I’ve gotten a first—hand look at how the establishment attacks people who challenge the status quo. These attacks are intended to brand their targets as pariahs and stigmatize anyone...
  • Berati dhe belaja me Turqinë

    Unë ngritem për të mbrojtur lirinë e shprehjes, por nuk mund të hesht kur një imam apo i ri dënohet për nxitje të dhunës derisa gazetarët duartrokiten. Unë jam...
  • Are Black Lives Terrorist Lives?

    Well, this is what happens when the full force of the domestic state-terrorism apparatus sets itself against the innocent and frequently impoverished citizens of colour that mistakenly chose to...
  • If Other Professions Were Treated Like Photography…

    what if other professions were treated like photography? Here’s what a “part-time professional’s” Facebook posts might look like if other careers experienced the “everyone’s a photographer” phenomenon,...